Sambrama Wacana Pesta Kesenian Bali

Sambrama Wacana

(Pembukaan Pesta Kesenian Bali (PKB))

Matur suksma antuk galah sane becik punuki, sane kapica ring padewekan titiange. Sadurung titiang nguningayang atur, lugrayang dumun titiang ngaturang panganjali umat.

“Om Swastiastu”

Sane wangiang titiang Bapak Gubernur Bali lan Wakilnyane, sane banget kusumayang titiang Bapak Wali Kota lan Wakilnyane, sane kusumayang titiang Bapak Gubernur sajebag jagat Bali, miwah para sameton sane tresna sihin titiang.

Angayu bagia pisan aturang titiang majeng ring Ida Sang Hyang Widhi Wasa utawi Tuhan Yang Maha Esa duaning Asung Kerta Wara Nugraha Ida, titiang prasida iriki jagi ngaturang sambrama wacana tur prasida iraga mapulpul iriki nyarengin indik “Pembukaan Pesta Kesenian Bali (PKB)” duk 9 september 2015.

Ida dane sane wangiang titiang,

Pesta kesenian Bali  inggih punika acara sane ngeninin indik kesenian lan acara sane prasida ngemargiang kesenian- kesenian ring sajabag jagat Baline. Sadurung titiang ngalantur matur, lugrayang dumun titiang nguningayang akidik amatra indik kesenian punika. Sane mawasta kesenian inggih punika samian sane mawasta becik, unik, tur kaambil ring soang-soang parilaksana sane kawastanin kreatif utaman ipun ring Bali. Taler iraga para yowana Bali patut pisan melajahin seni lan budaya Bali mangda Budayane nenten prasida ical.

Selantur ipun, tatujon kawentenang PKB utawi Pesta Kesenian Bali inggih punika nenten je tios kaanggen ngelestariang miwah ngewerdiang budaya Bali tur ngadungan para semeton Baline mangda prasida ngamangguhang jagat Bali sane raharja, gemah ripah lohjinawa, lan mangda prasida kaloktah ka dura Negara.

Ida dane sane kusumayang titiang,

Wantah kadi asapunika amatra sane prasida baktayang titiang, ngiring ja ngawitin antuk ngelestariang budaya Bali mangda prasida ngamangguhang jagat sane sayan-sayan rahajeng. Yening wenten iwang utawi nenten manut ring sajeroning anggah ungguhin bahasa Baline titian nunas gung rena sinampura. Pinaka wasaning puputang titian antuk paramasantih,

“Om Santih, Santih, Santih Om”

oleh : Ni Komang Ayu Try Wahyuningsih